يائير نتنياهو… الابن “الردي” الذي جاب لأهله “نعيلة” يستحقوها

نتنياهو واختصارا ممكن تقول النِتن.. زعل قوي من الإعلام وقال ان اسمه نتنياهو.. بفتح النون.. يعني مش شخص نتن وخلاص لا النتن ذات نفسه.. تفتكروا نتنياهو واحد مجرم وعصبجي وحرامي والاسرائيليين شايفينه حلوف.. لو فكر يخلف.. هيجيبلنا ايه.. هو فكر وابتلانا بعينة سمجة منه يائير نتنياهو .. وحرفيا الولد دا مصايبه اكبر من جرايم أبوه.. منين ما يمشي يعمل كارثة واسرائيل مقلوبة حرفيا علشانه..

ف تعالي احكيلك قصة الفتي المدلل .. او المدلدل في اسرائيل.. يائير نتنياهو

بنيامين نتنياهو من الجيل اللي اتولد في فلسطين عام 1949 في تل أبيب.. مش من المهاجرين.. وأمه تسيلا سيغال في بتاح تكفا في متصرفية القدس التابعة للإمبراطورية العثمانية، لكن أبوه بن صهيون نتنياهو اتولد في وارسو في بولندا.. وهو أصلا اسم عيلتهم ميليكوفسكي بس الاب غير اسمه من ميليكوفسكي لنتنياهو.. ومعناها بالعبري.. اعطي الله.. ونتنياهو ليه أخ كبير اسمه يوناتان مات عام 1976 في عملية اقتحام الطائرة الإسرائيلية المخطوفة في مدينة “عنتيبة” الأوغندية…

نتنياهو أتجوز 3 مرات .. الاولى من ميريام وايزمان.. وهي ماسكة منصب رئيس اللجنة الاستشارية للسلامة النووية فى إسرائيل وأنجب منها أبنته “نوعا” … والنتن خانها مع طالبة بريطانية ليست يهودية تدعي “فلور كاتس”… وساعتها الدنيا اتقلبت عليه .. فالبنت أعلنت يهوديتها وبقى اسمها “فلور هارلان” وتتولى منصب عضو في مجلس المستشارين في مركز الدراسات الأمريكية. ..

ولانه برضه راجل خاين.. ففي مرة كان مسافر فاتعرف على مضيفة في شركة العال الإسرائيلية اسمها “سارة أرتسي” وهو رايح أمستردام.. البنت شاغلته وكتبتله رقمها على ورقة وأدتهاله، وكان متجوز بس عاش مع سارة قصة حب .. فطلق مراته.. واتجوز سارة سرا سنة 1991.. وخلف منها يائير وأفنير..

العلاقة اللي بدأت بخيانة دي خلفتلنا جوز مقاس 45 …

واللي منهم يائير نتنياهو بطل حلقة الليلة واللي هو بالظبط واللي ينطبق عليه المثل القائل “خلفة العار”.. والواد ربنا مديه عدم قبول في وشه ينافس بيه القبول الفني للفنان محمد كريم…

اتولد يائير في 26 يوليو 1991، وتقريبا يعني مفيش فضيحة ينفع تتعمل معملهاش وخد عندك يعني…

في 2017 وفي فضيحة يعني.. اتقفش في نادي تعري.. والصحافة العالمية صورته بس الصحافة الاسرائيلية مسابتش الموضوع.. ونشرت تسجيل صوتي بينه وبين ابن كوبي ميمون.. حوت من حيتان العقارات هناك.. وابن نتنياهو بيقوله: ” والدي سهل لوالدك صفقة بـ 20 مليار دولار وانت بتجادلني على 400 شيكل”..لان نتنياهو رسى حقل الغاز تمار.. على شركة “يسرامكو”، اللي بيملكها كوبي ميمون… ويائير كان عايز منه 400 شيكل يديهم لراقصة تعري.. شوف يا اخي يهودي يهودي ابن رئيس الوزراء وبيستلف 400 شيكل يرميهم على رقاصة.. كوليكشن سيئات يدخله الدرك الاسفل من النار.

مش بس كدا.. دا في التسجيل كان بيتكلم ابن نتنياهو عن نادي التعري وحلاوة الستات اللي قابلوهم هناك.. ودفعوا كام.. وفي نص الكلام قالهم نجيب يابانيات.. فالسفارة اليابانية قدمت اعتراض رسمي لنتنياهو.. فقالهم الواد بيهزر وبيحترم الشعب الياباني.. بس هو كان بسلامته سكران..

ويا ريت جات على فضيحة نادي التعري وخلاص..

سنة 2014.. الصحافة هاجمت يائير اللي كان 23 سنة بس لانه على علاقة ببنت نرويجية اسمها ساندرا ليكنغر عندها 25 سنة.. لانها مش يهودية.. وساعتها رد يائير عليهم قالهم ازاي كان ابويا اصلا اتجوز قبل كدا من ست مش يهودية.. قصده على فلور كاتس.. والصحافة خدته غسيل ومكواة.. في الوقت اللي ابوه كلم ارنا سولبرغ رئيسة وزراء النرويج وقتها وقالها ابني بيقضي الاجازة مع ساندرا خدي بالك منهم.. فالصحافة نفخته أكتر..

لو انت نشيط على تويتر.. فهتلاقي يائير دا بينشر 20 تغريدة في اليوم.. ومش كلام دبلوماسي وكدا دا بينطح زي التور الهايج اي حد يعارض ابوه.. لحد ما في مرة شتم امريكا وقال انها مش بتراعي مصالح اسرائيل… فامريكا زعلت فهو بعته هناك يتأسف.. امريكا مش بتراعي مصالحكم.. يا اخي دا انت أعمى القلب والبصيرة زي أمك… أو زي أبوك.. لكن دا عادي اللي مش عادي أنه أثناء ما أبوه بيواجه قضايا فساد في اسرائيل راح ناشر رسمة ضد السامية.. اللي هي اصلا اسرائيل بتحارب اللي بينشر أفكار ضدها.. فرجع مسحها واعتذر وقال انه مكانش فاهم معناها.. فتقريبا ابوه قفله حساباته..

وفي مرة حب يدق أسفين بين المغرب واسبانيا.. فكتب على تويتر.. عزيزي العربي والمسلم اللي عايز يحرر فلسطين.. دي بداية حلوة.. وراح مشاور على سبتة ومليلية الواقعين في الاراضي المغربية لكن بتسيطر عليهم أسبانيا.. فطبعا اتشتم من الاسبان والمغاربة..

ورد عليه سنتياجو أباسكال، زعيم الحزب الإسباني “بوكس ووصفه بالجاهل التافه اللي بيضر نفسه وميعرفش مصلحته فين..

فوجه كلامه للأسبان وقالهم: “”ايها الشعب الاسباني أراكم جميعا مستاؤون. سبتة ومليلية هما منطقتان صغيرتان تملكهما اسبانيا في الضفة الأخرى من البحر .. تخيلوا الآن ما نشعر به عندما تدعو حكومتكم إسرائيل إلى التخلي عن الضفة الغربية، والتي هي معقل لليهود…

انت عارف ان الفيس بوك بيضيق على اي حد ضد اسرائيل.. تخيل الفيس.. ضيق على ابن نتنياهو نفسه.. ففي مرة كتب يائير على فيس بوك: ” “هل تعلمون أين لا تحدث هجمات إرهابية؟ في أيسلندا واليابان، حيث للمصادفة لا يوجد مسلمون”. فالفيس بوك قفله صفحته 24 ساعة.. عقاب قاسي قوي من فيس بوك..

ولما رجع كتب: “فيه حلّين محتملين فقط للسلام، إما أن “يغادر كل اليهود إسرائيل أو يغادر كل المسلمين. وأنا أفضّل الخيار الثاني”، وبإذن الله يا حبيبي هتعيش وتشوف الخيار الاول وهو بيتحقق وتكون أنت وأبوك بتتحاكموا كمجرمي حرب..

وفي قضايا الفساد ضد والده.. جات رجله أنه أخد هدايا بملايين الدولارات من المليادير الأسترالي جيمس بيكر.. منها ساعات روليكس.. وزي ما انت عارف القصة كانت بداية ان نتنياهو يقصقص ريش القضاء هناك.. وحصلت ساعتها المظاهرات.. فرجع الساعات يا يائير..

وكان فيه منافسة سياسية بين ابوه وبين بيني غانتس سياسي اسرائيلي ابن كلب زيهم.. فيائير نشر بوستات انه بيني غانتس على علاقة بست وبينهم حاجات لا يجوز يعني.. فالست رفعت قضية عليه والمحكمة غرمته 130 ألف شيكل.. لانه بيرمي الناس بالباطل..

ولما اردوغام هجوم اتفاق السلام بين الامارات واسرائيل.. يائير كتب تويتة قاله: ” تركيا عندها سفارة في إسرائيل من سنين وعنجهم علاقات تجاربة وعقود بالمليارت… زعلان من ان الامارات تعمل زيه.. دا عنده انفصام”.. وساعتها حصلت ازمة دبلوماسية مع تركيا بسبب التويتة دي..

انت ابن رئيس الوزراء في دولة كلها جيش… فلازم تدخل الجيش.. وهو دخل فعلا ضمن وحدة الناطق بلسان جيش الاحتلال وفي لواء المركز، واتعرف عنه إنه “ولد شمينت”، يعني فرفور بالمعني العامي… مكانش عارف يعيش.. وكان بيجيب اكله من البيت ومياكلش من اكل الجيش.. وكان بيسيب الكتيبة ويمشي.. وميردش على اتصالات الظباط.. ولما يسـألوا عنه يرد عليهم حرسه الخاص انه تعبان ومش قادر.. فاتحكم عليه في الجيش بالسجن 21 يوم .. علشان ساب الوحدة بتاعته وراح يتعشي في البيت.. يا اختي كلبة..

كمان مع اي قلق بيحصل ابوه بيشحنه على امريكا.. علشان كدا في 7 أكتوبر كان برا في امريكا.. والمظاهرات خرجت ضد نتنياهو انت بتبعت عيالنا تموت وباعت ابنك يعيش في امريكا..

طيب فاكر قانون منع الاذان اللي ظهر في اسرائيل اهو يائير هو اللي مرر القانون دا.. لان الاذان بيصحيه من نومه لما يكون نايم في بيت العيلة في قيساريا المهجرة… بص هو مفيش مصيبة ينفع تتعمل.. يائير معملهاش.. بس يعني هو الهبلة هتخلف دكتور يعني..

وزي ما قال الفنان محمد سعد واحد مصاحب علي علوكا واشرف كوخا عايزني اطلع طيار ودا واحد ابوه نتنياهو عايزينه يطلع ايه يعني (صوت تيت كبيرة)